PANALO ang episode ng GMA Afternoon series na Asawa Ko, Karibal Ko kung saan ipinakita na ang transformation ni Jason Abalos bilang transwoman.
Bilang si Nathan na asawa ni Rachel (Kris Bernal) sa kuwento, nag-transform na nga si Jason bilang isang transgender na ginagampanan nga ni Thea Tolentino.
Sa ibang bansa nagparetoke si Nathan kung saan siya sumailalim sa tinatawag na gender reassignment surgery matapos palabasing namatay siya ng sumabog ang sinasakyang lantsa habang itinatakas ang anak nila ni Rachel.
In fairness, ang ganda-ganda ngayon ni Thea bilang si Catriona, bumagay sa kanya ang mahabang blonde hair at siguradong sunud-sunod na pasabog ang gagawin niya ngayong babaeng-babae na ang kanyang itsura.
Tutukan ang muli nilang pagkikita ni Daniel (Matthias Rhoads), magkaroon pa kaya ng part 2 ang kanilang love story? At paano kung magkrus na uli ang landas nila ni Rachel?
Siguradong mas masa-shock kayo sa mga susunod na episode ng Asawa Ko, Karibal Ko na napapanood sa GMA Afternoon Prime, directed by Mark Sicat dela Cruz. Kasama rin dito sina Jean Saburit, Ricardo Cepeda, Rayver Cruz, Lotlot de Leon, Devon Seron at marami pang iba.