Ryan balik-Eat Bulaga, sumabak agad sa Sugod Bahay

Maraming natuwa sa pagbabalik ni Ryan Agoncillo sa Eat Bulaga. Matagal-tagal ding hindi napanood ang TV host sa noontime show ng GMA 7.

Last Monday muling nag-report si Ryan sa show at agad sumabak sa “Juan For All, All For Juan” kasama sina Paolo Ballesteros at Wally Bayola.

Nag-post ang talent manager na si Noel Ferrer ng screenshot ni Ryan sa Instagram habang nasa Sugod Bahay na may caption na, “Ayos na ang butu-buto! Welcome back Dabarkads @ryan_agoncillo!!!”

Matatandaang nag-leave muna si Ryan sa EB para pagalingin ang kanyang tuhod na napuruhan sa isang aksidente.

Libu-libo ang nagpahatid ng pagbati kay Ryan sa pagbabalik niya sa EB.