PUMORMA lang si JM de Guzman kay Angelica Panganiban pero hindi sila nagkaroon ng relasyon.
Nananatili silang magkaibigan kahit na nga malabo pa kung magsasama sila uli sa movie after ng blockbuster movie nilang “That Thing Called Tadhana.”
Kahit bihirang magkita, bumati pa rin si JM sa birthday ni Angelica sa pamamagitan ng kanyang Instagram. Meaning, kapit na kapit pa rin ang aktor sa special friendship nila ni Angelica.
“Para sa napakabait at husay na tao. Happy birthday tols @iamangelicap,” caption ni JM. Tugon naman ng aktres, “Ay!!! May bala ka jan bata?! Salamat. Hindi ka nakakalimot. Kwentuhan pag uwi namin brad @1migueldeguzman.”
Kahit nasa Japan naman ang kaibigan niyang si Glaiza de Castro, nagpaabot din siya ng mensahe sa IG photo nilang dalawa habang nasa ibang bansa.
Inilabas naman ni Kim Chiu ang isang video bilang pagbati kay Angelica na nagsasayaw silang tatlo ni Bela Padilla. “IBA Ka DITO MOMS!!! Level up ka! Ha! Ha! Ha! Salamat sa pagpapatawa mo sa amin momsy! Lav yeahhh!!!” bahagi ng pagbati ni Kim.
Eh, masaya naman ngayon si Angelica sa piling ng kaibigang si Carlo Aquino kaya naman siguradong tapos na ang panahong nganga siya sa pagmamahal, huh!