PINATUNAYAN ng producer na si Neil Arce na very much together pa rin sila ni Angel Locsin contrary to reports na naghiwalay na sila.
Kahapon, nag-post si Neil sa kanyang Instagram account ng mga litrato nila ng Kapamilya actress na kuha sa Amerika kung saan sila nagbakasyon nitong long weekend.
Caption ni Neil sa mga photo, “Hey World… look How beautiful my girlfriend is 🙂 and guess what she’s also an Angel!”
Nag-comment naman si Angel ng, “Proud to be yours #nakakaumaynacheesy.”
Nauna rito, nag-post si Angel ng mga litrato nila ni Neil na sa Universal Studios Hollywood sa Los Angeles, California. Ang tanging caption niya rito ay dalawang emojis.
Kamakailan ay kumalat ang balitang hiwalay na raw sina Angel at Neil dahil hindi na sila nagpo-post ng kanilang mga pictures together sa kanilang social media accounts. – EAS