Anne atat nang mag-honeymoon sa South Africa

Atat na atat na si Anne Curtis sa nakatakdang honeymoon nila ng asawang si Erwan Heussaff ngayong November.

Naka-leave na ang aktres sa Showtime at natapos na rin niya ang kanyang 2018 MMFF entry na “Aurora”. Sa South Africa magha-honeymoon ang mag-asawa.

“I’m very excited to finally go on my honeymoon. Very understanding naman yung asawa ko and nakaantay siya ng one year bago mag-honeymoon,” sabi ng TV host-actress. Umaasa naman ang mga fans ni Anne na sa kanyang pagbabalik sa bansa after ng kanilang bakasyon sa South Africa ay buntis na siya.

Ayon pa kay Anne, natapos na rin niya ang dubbing para sa horror movie niyang “Aurora” na kinunan pa sa Batanes.