MIKEE QUINTOS
PINAG-UUSAPAN gabi-gabi sa social media kung kailan kaya matatapos ang pang-aapi sa karakter ni Mikee Quintos bilang si Maila sa GMA primetime series na Onanay.
Nalaman na ng lahat ang katotohanan sa pagkatao ni Maila. At dahil hindi siya isang Montenegro, desidido si Helena (Cherie Gil) na tanggalan siya ng karapatan. Ano naman kaya ang gagawin ni Onay (Jo Berry) ngayong nalaman na ng lahat ang lihim na matagal na niyang itinatago?
Bukod dito, may bagong plano sina Natalie (Kate Valdez) at Helena laban kay Maila na siguradong ikagugulat ng manonood. Kung ano ito, ‘yan ang tutukan sa pagpaptuloy ng Onanay sa GMA Telebabad after Victor Magtanggol.
Samantala, trending na naman ang nakakalokang episode ng The Boobay & Tekla Show kamakailan kung saan naging bisita nila ang dalawang Kapuso cuties na sina Jeric Gonzales at Matthias Rhoads.
Kakaibang challenge kasi ang ipinagawa ng mag-partner sa dalawang binata – nakipagpalitan lang naman sila ng damit sa mga ito! Napa-timeout talaga sina Jeric at Matthias sa heavy drama nila sa Ika-5 Utos (Jeric) at Asawa Ko, Karibal Ko (Matthias).
Game na game silang nakipagpalitan ng outfit sa TBATS hosts at take note, rumampa rin sila, ha! Sino pa kaya ang susunod na mabibiktima sa mga kakaibang challenge nina Boobay at Tekla?