ALEX GONZAGA, SEVE AT TONI GONZAGA
NAHIRAPAN daw ang Executive Selection Committee sa pagpili sa huling apat na pelikula para maging bahagi ng Magic 8 ng 2018 Metro Manila Film Festival.
Ang Selection Committee ay binubuo nina National Artist Bienvenido Lumbera, (chairman), Jesse Ejercito, Evelene Advincula, Roy Iglesias, Maria Anicia Naval, Mel Chionglo, James Bartolome, Luwalhati Bautista, Cesar Ona, Irene Jose, Lilibeth Nakpil at Consoliza Laguardia (mga miyembro).
Umabot sa 16 full length films ang pinanood at pinagpilian nila at ang masuwerteng Final 4 ay dumaan talaga sa masusing deliberasyon. Ang mga napiling entry ay ang mga sumusunod: “Rainbow’s Sunset” (Heaven’s Best Entertainment), isang family drama na pagbibidahan nina Eddie Garcia, Tony Mabesa, Tirso Cruz III, Aiko Melendez, Sunshine Dizon at Gloria Romero sa direksyon ni Joel Lamangan.
Romance-drama na “One Great Love” mula sa Regal Entertainment starring Kim Chiu, JC de Vera at Dennis Trillo, directed by Eric Quizon; ang romcom na “Marry, Marry Me” mula sa Ten17 Productions kung saan bibida nang magkapatid na Toni at Alex Gonzaga na pag-aagawan sa kuwento ang aktor na si Sam Milby directed by RC delos Reyes.
Panghuling inanunsyo ang horror film na “Otlum” mula sa Horshoe Studios na pagbibidahan nina Ricci Rivero, Jerome Ponce, John Estrada at iba pa sa direksyon ni Joven Tan.
Nauna nang inanunsyo ang unang apat na pelikulang kasama sa 2018 MMFF: “Fantastica” (comedy) nina Vice Ganda, Richard Gutierrez at Dingdong Dantes, directed by Barry Gonzalez, handog ng Star Cinema at Viva Films; “Girl In The Orange Dress” (romance) nina Jessy Mendiola, Jericho Rosales at Ria Atayde, mula sa direksiyon ni Jay Abello, mula sa Quantum at MJM Films.
“Aurora” (horror) ni Anne Curtis, sa direksiyon ni Yam Laranas, mula sa Viva Films at Aliud Entertainment; at ang “Popoy En Jack: The Puliscredibles” (comedy-action) nina Vic Sotto, Coco Martin at Maine Mendoza, mula sa direksyon ni Michael Tuviera, under MZet, APT and CCM Productions.
Bilang selebrasyon din ng 20th Cityhood Celebration sa Parañaque City, doon gaganapin ang Annual Parade of the Stars sa Dis. 23 habang sa Dec. 27 naman ang MMFF awards night sa The Theater Solaire.
Para naman sa Student Short Films, 16 lang ang napili mula sa 123 entries, nagbigay ang MMFF ng grant para sa napiling semi finalists sa halagang P20,000.
Ang Student Short Film Selection Committee ay binubuo nina Direk Jose Javier Reyes, Doctor Rowena Capulong-Reyes, MTRCB Chairperson Rachel Arenas, Atty. Crisanto Saruca, Jr. at Rina Navarro.
Ang 16 short films finalists ay ang mga sumusunod: “Anod” ni Sarah Nicole Bautista (PUP Quezon City); “Balita” ni Allysa Nievera (Centro Escolar University); “Binibini” nina Neil Adrien Reyes at Beverly Lagdameo (College of St Benilde, De La Salle); “Bisperas” ni Jessa Bisnar (Pamantasang Lungsod ng Valenzuela); “Camera” ni Adeline Carreon (Eugenio Lopez Jr Center for Media Arts Senior High School).
“Breadwinner” ni Ma. Arizza Ariola (Pasig Catholic College); “Dalawampung Pisong Pag-asa” ni Pauleen Valdez (St. Dominic College of Asia); “Di Pa Nga Ako Kumakaen Eh” ni Marizen Tamondong (PUP Manila); “Hayag” ni Patricka Coliflores Villasenor (UP Manila); “Insan” ni Jean Comanda (College of St. Benilde, De La Salle); “Kasilyas” ni Leslie Ann Ramirez (Bulacan State University).
“Padyak” ni Venice Awitin (Northern Mindanao Colleges); “Paraiso” ni Carlo Lopez (UP Diliman); “Sasagot Ka Pa?” ni Ronald Van Angelo Dulatre (College of St. Benilde De La Salle); “Si Luisa, Ang Artista” ni Peter John Teneza (PUP Quezon City); at “Tahanan” ni Demetrio Celestino III (Catanduanes State University).
Sa ikatlong linggo ng Nobyemre malalaman ang final 8 short films.