Pagtaya Ni P-Duterte sa lotto binanatan ng GMA writer: Mukhang greedy ang Pangulo!

PINALABAS ni Suzette Doctolero ng GMA 7 na “greedy” si President Rodrigo Duterte nang magpakuha ito ng photo na may hawak na lotto ticket.

“Bad publicity. Mukhang greedy ang presidente. Mukhang nakipagkumpetensya pa sa mamamayang nangangarap manalo. Kung sinuman ang nakaisip ng gimmick na ito, dapat sipain. Engot,” tweet ni Suzette.

So, kapag public and elected officials pala ang tumaya sa lotto ay greedy na, Suzette? Iba rin, ha. Parang pinalalabas niyang walang karapatan ang presidente na tumaya sa lotto.

Anyway, as we write this ay baka umabot na sa P1 billion ang jackpot prize sa lotto dahil until now ay hindi pa rin ito napapanalunan.