2 dalagita nalunod sa ilog

PINAGHAHANAP ang dalawang dalagita matapos umanong anurin ng ilog, sa San Fabian, Pangasian, Biyernes ng hapon.

Nakilala ang dalawa bilang sina Mary Jane Aquino, 13, at Angel Uson, 10, ayn sa ulat ng Pangasinan provincial police.

Naganap ang insidente pasado alas-3, sa ilog na nasa Brgy. Sobol.

Sinubukang tawirin nina Mary Jane, Angel, at Micah Janell Aquino, 13, ang ilog na nag-uugnay sa Sobol at Brgy. Nibaliw East, ayon sa ulat.

Inanod ang tatlo nang marating ang malalim na bahagi ng ilog, pero nakaligtas si Micah Janell dahil marunong siyang lumangoy, ayon sa pulisya.

Nagpadala ng tauhan ang lokal na pulisya at Municipal Disaster Risk Reduction and Management Council para hanapin ang dalawang dalagita.