KC CONCEPCION AT SHARON CUNETA
GALANTE palang amo itong si KC Concepcion. Imagine, bagong bahay lang naman ang regalo niya sa kanyang yaya na si Nanay Lina.
Tuwang-tuwa at sobrang thankful si Nanay Lina sa kanyang alagang si KC matapos nga siyang bigyan ng bagong house and lot. Sa kanyang Instagram Stories, ibinahagi ng anak ni Megastar Sharon Cuneta ang bonding moments nila ng kanyang yaya kamakailan.
Dito rin ibinahagi ni Nanay Lina ang kabaitan at pagiging generous ng kanyang alaga, anito sa IG video na ipinost ni KC, “Binigyan ako ng bahay niyan.”
Alam n’yo ba na hindi na nakapa-asawa si Nanay Lina dahil mas pinili niya na pagsilbihan na lang at alagaan si KC at ang iba pang anak ni Mega.
Kung matatandaan binigyan pa ng tribute ni KC ang kanyang yaya sa isang post niya sa Instagram. Aniya, “She cared for me as a baby, would watch over me as my mother worked, and would hide my secrets (and midnight snacks) as a child… lol. As I got older, she would look forward to watching my movies and TV series, and has a big smile every time she’s near me…
“Up to this day her handwritten cards touch me so much, and so do the tears in her eyes whenever she sees me again after a long time,” mensahe pa ng TV host-actress.
Samantala, inamin naman ni KC na super miss na niya ang kanyang French boyfriend na si Pierre-Emmanuel Plassart.
Sa IG post ng dalaga nitong weekend, nag-post siya ng holding hands photo nila ni Pierre na kuha noong magkasama sila sa Paris, France recently. May caption itong, “This guy approached my Mom 7 years ago at our dinner table that night, just so that he could meet me… Wish you were here tonight to celebrate with us chéri! (darling).”