MAYMAY ENTRATA
Bibisita ang PBB Lucky Season 7 Big Winner na si Maymay Entrata sa Queen City of the South sa darating na Okt. 19 (Biyernes) para sa pinakaaabangang musical event—ang “The Dream Tour Maymay in Concert Live in Cebu”.
Abangan ang Star Pop singer sa kanyang pag-awit ng Song Of the Year ng MOR Pinoy Music Awards 2018 na “Shanawa,” pati na rin ang mga awiting “Baliw, “Kabaduyan,” “Toinks,” at iba pa.
Makakasama ni Maymay sa concert na ito si Maris Racal at ang kanyang ka-loveteam na si Edward Barber. Magaganap ang nasabing show sa Hoops Dome Arena sa Lapu-Lapu City, 8 p.m.
Bumili na ng tickets sa SM Tickets, Ticketworld, SM City Cebu Customer Service at Rainbow Connections.
Samantala, ngayon pa lang ay inaabangan na rin ng milyun-milyong MayWard fans ang kanilang launching TV series na Honey My Love So Sweet under Dreamscape Entertainment.