Tren ng MRT nagkaaberya; 540 pasahero pinababa

NAGKAABERYA ang isang tren ng Metro Rail Transit 3 kaninang umaga, dahilan para pababain ang may 540 pasahero.

 Sinabi ng pamunuan ng MRT3 na nakaranas ng electrical failure sa makina ang tren ng MRT sa Cubao station south bound.

Ang mga pasahero ay nakasakay sa sumunod na tren an dumating makalipas ang limang minuto.

Isa sa mga sanhi ng pagkakaroon ng problema sa suplay ng kuryente ng tren ang kalumaan ng mga piyesa nito.

Humingi naman ng paumanhin ang Department of Transportation-MRT 3 sa mga naapektuhan.