MAAGANG nagkapamilya si Luigi Revilla, anak ni Sen. Bong Revilla, Jr. Pero diin niya sa presscon para sa episode niyang “Amats” sa action-trilogy na “Tres” mula sa Imus Productions, nagkaroon siya ng anak after magpakasal sa ina ng kanyang anak.
“Gusto ko ‘yung anak ko, maging close sa titos and titas niya, mga relative and everyone. Actually I wanted him to be like Papa. Si Papa, siya na yata ang pinakamabait sa lahat ng taong nakilala ko.
“Siguro, kahit masama ang loob sa ‘yo, si Papa ‘yung hindi sasabihin sa ‘yo. Siya ‘yung tipo ng taong if you ask for help, he’ll never say no. Malaki talaga ang puso niya,” pahayag ni Luigi tungkol sa kanyang ama.
Siyempre, proud din siyang maging isang Revilla kahit iba ang ina niya kumpara sa mga kuya na sina Bryan at Jolo Revilla. Naudlot man ang showbiz career niya dahil sa maagang pag-aasawa, after ng “Tres” ay magtutuluy-tuloy na siya sa showbiz.
Pero unlike his father at Kuya Jolo, ayaw pasukin ni Luigi ang pulitika, huh!