4 na Sang’gre ng Encantadia may bonggang pasabog sa Victor Magtanggol ni Alden

Excited na ang mga Kapuso viewers sa napabalitang pag-eksena ng apat ng Sang’gre ng Encantadia sa primetime series ni Alden Richards na Victor Magtanggol.

Balitang magkakaroon ng guest appearance ang mga Sang’gres na sina Glaiza de Castro, Kylie Padilla, Gabbi Garcia at Sanya Lopez sa VM.
Sa kanyang Instagram account, nag-post si Glaiza ng photo nilang apat na tila kuha sa taping may caption na, “Abangan!” Dito na nagsimulang kumalat ang balita na tuloy na ang guesting nila sa VM.

Sa isang eksena naman ni Sif (Andrea Torres) binanggit nito na hindi nila kakayanin ni Victor (Alden) ang kanilang kalaban sabay ng pagtunog ng markadong musika ng Encantadia.