Yes agad: Sheena Halili humagulgol nang mag-propose ang bf sa loob ng sinehan

NAPAIYAK ang Kapuso actress na si Sheena Halili nang biglang mag-propose sa kanya ang non-showbiz boyfriend na si Atty. Jeron Manzanero.

Naganap ang proposal sa loob ng isang sinehan sa Greenhills, San Juan nitong weekend.

Sa kanyang Instagram account, ipinost ni Sheena ang video ng pagpo-propose ni Jeron na may caption na: SIYA ANG PANALANGIN KO #SHEenaSAIDYES #SHEENAbiniyaYES #sheenimo.”

Bumuhos naman ang pagbati ng nga kaibigan ni Sheena in and out of showbiz kabilang na sina Marian Rivera at Jennylyn Mercado. Noong November, 2017 nang i-announce ni Sheena ang relasyon nila ni Jeron.