Meant to be: Kilig na love story nina KC at Pierre pang-teleserye | Bandera

Meant to be: Kilig na love story nina KC at Pierre pang-teleserye

Reggee Bonoan |August 20,2018
facebook
share this

Meant to be: Kilig na love story nina KC at Pierre pang-teleserye

Reggee Bonoan - August 20, 2018 - 12:01 AM

NAGKABALIKAN na pala si KC Concepcion at ang French businessman na si Pierre Emmanuel Plassart base sa litratong ipinost ng dalaga sa kanyang Instagram account na may caption na, “warm genuine, timeless.”

Hindi na bago ang pa-ngalan ni Pierre sa mga nakakakilala sa dalaga dahil dati na siyang dumalaw sa Pilipinas para bisitahin si KC at ang pamilya nito.

Una silang nagkakilala sa Ameika sa ginanap na 65th birthday charity event ni ex US President Bill Clinton. Si Sharon Cuneta ang unang nilapitan ni Pierre para ipakilala ang sarili at saka naman ipinakilala ng Megastar ang anak sa binata.

Nagustuhan agad ni Sharon ang binata kaya naman hiniling niya na sana’y si Pierre na ang makatuluyan ng anak, pero hindi pa handa noon si KC sa isang seryosong relasyon.

Isa sa follower ni KC na si Karen Samson ang nagsabing, “Ang ganda lang ng LOVE STORY nila PEP and KC. Naalala ko noon when KC broke up with Pierre because she wasn’t ready yet for a serious relationship/ to settle down before, sabi ni KC pag dumating ang time na ready na sya at nandyan pa rin si Pierre sya na kaya lang nagka-girlfriend si Pierre at nag ka boyfriend din si KC. But 5 years later parehas na silang single.

“I’m soooo HAPPY because I really LOVE Pierre for KC even before pa. Sinubaybayan ko sila before pa. Favorite talaga s’ya ni Mega at mahal s’ya ng buong pamilya.

“Pag meant to be talaga kahit ilan taon pa ang nasayang at lumipas may paraan at daan talaga para mangyari ang dapat mangyari.”

Hmmm, matuloy na nga kaya ang matagal nang hinihintay ni Sharon na wedding bells para sa panganay niya?

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending