Sa panayam kay Daniel, siya ang nagmamaneho ng kanyang sasakyan kasama ang kapatid na si Gilherme nang mabundol nila ang isang motorsiklo. Paauwi na raw sila galing sa isang restaurant nang maganap ang aksidente.
Mula raw sa Commonwealth westbound lane, kumanan si Daniel papuntang Don Antonio Street, nang biglang sumulpot ang motorsiklo at mabundol ang likurang bahagi nito kasabay ng pagsemplang ng driver.
Dinala sa ospital ang motorcycle rider matapos dumaing ng pananakit ng baywang. Hindi naman nasaktan ang magkapatid na Matsunaga. Sumama rin sa Quezon City Traffic Sector 5 si Daniel mag-file ng police report.