Horoscope, August 19, 2018

Para sa may kaarawan ngayon: Sopresa ang darating. Pag hindi mo ito napansin mabilis itong mawawala at lilipat sa ibang taong malapit din sa iyo. Sa sandaling namalayan mo ang kanyang pagdating, sunggaban mo agad. Magdudulot ito sa iyo ng masayang relasyon at paglago ng kabuhayan. Mapalad ang 7, 10, 22, 34, 38 at 42. Mahiwaga mong mantra: “Ava-Yara-Salva-Me-Om”. Orange at green ang bueans.
Aries – (Marso 21-April 19) — Magbubukas ka ba ng bagong negosyo o makikipagtransaksyon na may kaugnayan sa salapi? Tumingin sa langit: Kapag aliwalas ang langit, magiging maayos ang bubuksang negosyo, ngunit kung madilim at kulilim, ipagpaliban muna ang mga gawaing may kaugnayan sa salapi. Mapalad ang 3, 9, 18, 27, 36 at 45. Mahiwaga mong mantra: “Om-Dosya-Om.” Violet at red ang buenas.
Taurus – (April 20-May 20) — Hihikayatin at pipilitin ka ng mga tao upang tumulong sa mga gawaing may kaugnayan sa politika. Sunggaban mo agad, pagkakataon mo ng maging isang ganap at kinikilalang leader. Mapalad ang 6, 12, 24, 39, 45 at 47. Mahiwaga mong mantra: “Rama-Rama-Krisna-Kirsina”. Purple at pink ang buenas.
Gemini – (May 21-June 21) — Pag-aralan mo kung paano nagtatagumpay ang iyong mga kakilala at kaibigan. Makikita mo iisa lang ang sikreto – konsentrasyon sa iisang gawain lamang. Gayahin mo sila, upang tuloy-tuloy ka ng umasenso at lumigaya. Mapalad ang 5, 14, 23, 32, 41 at 48. Mahiwaga mong mantra: “Dhar-Masya-Sava-Om.” Silver at white ang buenas.
Cancer – (June 22- July 22) — Lumabas ka ng bahay. Hindi mabuti na lagi kang nagmumokmok. Matutong mamolitika at makisama sa lipunan. Sa ganyang paraan, madaragdagan ang iyong kinikita at bigla ka pang makakapulot ng bago at masayang karelasyon. Mapalad ang 4, 8, 11, 17, 24 at 40. Mahiwag among mantra: “Agla-Aum-Aum”. Green at beige ang buenas.
Leo – (July 23 – August 22) — Mangarap ka ng mas mataas. Wag makuntento sa kasalukuyang buhay, nakatakda sa iyo ang sumikat. Sa salapi, sa tulong ng maraming mga tao yayaman ka. Sa pag-ibig, isang Sagittarius ang noon pa sa iyo’y naghihintay. Mapalad ang 1, 18, 27, 35, 42 at 49. Mahiwaga mong mantra: “Gayatri-Aum-Namo-Om.” Orange at lilac ang buenas.
Virgo – (August 23 – September 22) — Kailangang magpakatalino upang hindi mamali ng desisyon. Kung sino ang nakakatulong sa iyo siya ang dapat mong mahalin. Sa pinansyal, aanhin ang saglit na ligayang dulot ng pag-ibig, kung naghihirap ka naman? Mapalad ng 7, 10, 19, 34, 41 at 44. Mahiwaga mong mantra: “Verbana-Hasta-Om.” Yellow at white ang buenas.
Libra – (September 23-October 23) — Bunutin ang maasim at may tinik na halaman sa harap ng bahay. Palitan ng mga punong kahoy na namumunga ng matatamis at mga halamang namumulaklak at may bilugang dahon. Sa ganyang paraan, susuwertehin ka na sa pera at pag-ibig. Mapalad ang 6, 18, 27, 33, 38 at 42. Mahiwaga mong mantra: “Babanam-Ke-Balam.” Red at lilac ang buenas.
Scorpio – (October 24 – November 21) — Wag panghawakan ang damdamin, ipapahamak ka lang ng emosyon. Manatiling reasonable sa pagdedesisyon. Tandaang kapag naging mautak ka at mapamaraan mas madali kang uunlad at yayaman. Sa pag-ibig, maghanap ng kasuyong mayaman. Mapalad ang 2, 17, 28, 33, 43 at 47. Mahiwaga mong mantra: “Arkaye-Aum-Arkaye-Om.” Pink at green ang buenas.
Sagittarius – (November 22 – December 21) — Masusuot ka sa isang kaguluhang may kaugnayan sa intriga at paninira. Umiwas sa mga taong isinilang sa petsang 8, 17, 26, 4, 13, 22 at 31, sila ang nakatakdang magpahamak sa iyo. Mapalad ang 6, 15, 24, 33, 42 at 49. Mahiwaga mong mantra: “Surya-Om-Pad-Meh-Om.” Blue at white ang buenas.
Capricorn – (December 22 – January 19) — Hindi mo ba napapansin, kahit mayaman ka na malungkot ka pa rin? Tumulong sa mga taong higit na nangangailangan, sa gawaing ganyan lalo kang susuwertehin at ang buhay mo ay magsisimula ng sumigla at sumaya. Mapalad ang 5, 9, 23, 32, 41 at 48. Mahiwaga mong mantra: “Yod-HehVau-Weh.” Gray at beige ang buenas.
Aquarius – (January 20 – February 18) — Bagong pag-ibig ang darating, magiging ka-chat mo siya sa internet. Kung siya ay Libra o kaya’y Gemini, siya ang nilalang na hahango sa iyo sa kalungkutan. Sa negosyo, kahit kulimlim ang panahon, patuloy ang pag-angat ng kita. Mapalad ang 4, 18, 28, 33, 45 at 48. Mahiwaga mong mantra: “Agla-Dosya-Om.” Lilac at red ang buenas.
Pisces – (February 19 – March 20) — Panahon na upang kausapin ang langit. Bukas ng umaga, paggising na paggising mo pa lang, humarap sa silangan at manalangin ka na agad. Hilingin mo sa langit ang lahat ng iyong nais na makamit. Makikita mo sa isang iglap, gagaang ang iyong pakiramdam, susuwertehin ka na at magsisimula ng madatingan ang lahat ng iyong mga kahilingan. Mahiwaga mong mantra: “Niva-Araanam-Dosya-Om.” Green at violet ang buenas.