IBINAHAGI ng mga loyal fans ni Maine Mendoza ang latest achievement nila bilang suporta sa kanilang idolo nang sa pamamagitan ng pagboto ay pumasok sa Top Five finalists ng Asian Sweethearts na pina-survey ng isang blog.
Sa YouTube channel ng blog, nakalagay roon ang collage video ng limang finalists na kinabibilangan ng Phenomenal Star. Mula sa 100 finalists, na-trim ito sa 30.
Sa huling resulta na inilabas ng survey, tanging si Maine lang ang Filipina na pasok sa Final Five na makakalaban ng apat na kinatawan mula sa iba pang Asian countries.
Kahit sa social media lang ang labanang ‘yon eh, binigyang-importansiya pa rin ng mga fans ni Maine na hindi matatawaran ang suporta sa idolo kahit sa anong klaseng labanan, mainstream man o social media, huh!