Sa isang pahayag na inilabas ng Department of Transportation-MRT3, alas-8:43 ng umaga ay nakitang naglalakad sa riles sa pagitan ng Ayala at Magallanes stations ang hindi nakilalang palaboy.
Kapantay ng kalsada ang riles sa pagitan ng dalawang istasyon.
Nang puntahan ng guwardya at mga pulis ay nagwala umano ang hindi nakilalang biktima at nambato. Kahit na ang mga sasakyan umano sa kalsada ay binato nito.
“In the process, the guard shot the leg of the “taong grasa” to prevent the latter from inflicting harm to others,” saad ng pahayag.
Dinala ang taong grasa sa Ospital ng Maynila at ang hindi pinangalanang guwardya kasama ang kalibre 9mm pistola nito.
Bahagyang naantala ang biyahe ng MRT.