REGINE VELASQUEZ
HAPPY wife and happy mother ang peg ni Regine Velasquez. Sa nakaraang episode ng Sarap Diva, nag-share ang Songbird tungkol sa kanyang personal experience bilang nanay at asawa.
“Ang sarap ng may asawa. You wake up every morning with your bestfriend. That’s how I see it,” aniya habang nakikipagchikahan sa guest niyang si Kylie Padilla na isa ring happy wide and mom.
Sabi pa ni Regine iba ang feeling kapag ikinasal ka na sa taong mahal mo, “Iba ‘yung magkasama lang kayo sa kasal na kayo.”
Inamin ni Regine na nagsama sila ni Ogie Alcasid sa isang bubong bago sila ikasal, pero para sa kanila mas na-appreciate nila ang kanilang pagsasama after ng wedding .
“Kami nagsama din naman kami ni Ogie ng medyo matagal tagal din. Noong ikinasal kami iba talaga ‘yung feeling, it’s wonderful to be married.”
Habang tumatagal ay mas lalo pang tumitibay ang relasyon nina Regine at Ogie.