Horoscope, August 07, 2018

Para sa may kaarawan ngayon: Maraming salaping darating. Ipunin ang mga natatanggap na pera at regalo. Sa pag-ibig, kung sino ang magbigay ng regalo na kulay “yellow at green” siya ang tunay na nagmamahal sa iyo. Mapalad ang 4, 8, 18, 27, 37, at 45. Mahiwaga mong mantra: “Bis-Vivit-Que-Benit.” Bukod sa yellow at green, ang red at pink ay buenas.
Aries – (Marso 21-April 19)—Panahon na upang dagdagan ang puhunan upang lalong lumago ang kinikita. Sa pag-ibig, sa malayong pook may lihim na romansang naghihintay. Mapalad ang 6, 18, 27, 34, 35, at 44. Mahiwaga mong mantra: “Agla-Namah-Mitra-Om.” Maroon at lilac ang buenas.
Taurus – (April 20-May 20)—Ito ang araw na ibabalik ng doble-doble at bonggang-bongga ang mga bagay na itinulong mo sa iba. Sa pag-ibig, ibigay ang gusto ng kasuyo, kasysa sa tuluyan pa siyang magtampo. Mapalad ang 7, 16, 25, 34, 48 at 49. Mahiwaga mong mantra: “Aum-Vincit-Quisoda-Om.” Blue at red ang buenas.
Gemini – (May 21-June 21)—Mahirap mawalay sa pamilya, subalit kailangang tiisin upang kumita ng malaking halaga. Sa pag-ibig, kung paanong lagi mo siyang naaalala, ganon din naman siya sa iyo. Sa muli pagkikita may napakasarap na romansang magaganap. Mapalad ang 3, 6, 17, 24, 38 at 45. Mahiwaga mong mantra: “Sangkaan-Thaanam-Bhavalam.” Pink at silver ang buenas.
Cancer – (June 22- July 22)—Wag kokontra, igalang ang naging desisyon ng ng mga kasama. Sa pinansyal Oohan mo lang ng Oohan ang kasuyo upang umunlad ang inyong kabuhayan. Mapalad ang 8, 14, 23, 26, 35 at 44. Mahiwaga mong mantra: “Jenu-Manu-Jata-Om.” Green at blue ang buenas.
Leo – (July 23 – August 22)—Pagkakataon mo na upang sumikat. Sumali at makiisa sa mga gawaing panlipunan. Sa pag-ibig, bukod sa isang Aries ka-compatible mo rin ang isang Sagittarius. Mapalad ang 5, 9, 28, 35, 40 at 44. Mahiwaga mong mantra: “Dosya-Mitra-Om.” Gold at green ang buenas.
Virgo – (August 23 – September 22)— Malapit na ang iyong karaawan, maging listo kang lagi habang payapa ang isipan, dahil sa panahong ito, isa-isa mo ng matutupad ang iyong mga pangarap. Sa pag-ibig isang isinilang sa buwan ng Oktubre ang bigla mong makaka-relasyon, masarap na romansa ang kasunod. Mapalad ang 5, 14, 26, 38, 40 at 45. Mahiwaga mong mantra: “Durate-Rebus-Om.” Silver at white ang buenas.
Libra – (September 23-October 23)—Magkakapera ka kahit nasa bahay lang, kung lagi magpaganda at laging amoy bagong paligo. Sa pag-ibig, kapag laging mabango, may darating na mas mainit at mas masarap na romansa. Mapalad ang 6, 18, 27, 35, 39, at 49. Mahiwaga mong mantra: “Vai-Kuntha-Vai-Nava-Om.” Pink at maroon ang buenas.
Scorpio – (October 24 – November 21)—Isang Aries ang makakatulong upang kumita ng malaking halaga. Sa pag-ibig panatiliin ang pagiging tapat at totoo sa kasuyong sadyang sa iyo ay napakamasunurin ng sobra-sobra. Pula ang kulay na magpapasigla sa libidong pang-sexual. Mapalad ang 4, 16, 25, 37, 38, at 45. Mahiwaga mong mantra: “Omne-Mihi-Omne-Venit.” Bukod sa red ang green ay buenas.
Sagittarius – (November 22 – December 21)—Nakapagtataka ang iyong suwerte, malamang na likas ka kasing masipag. Dating ng dating ang grasya at ang mga biyaya ng halos wala ka namang kahirap-hirap. Matutong mamigay at magbahagi sa mga kapos-palad upang ang magandang kapalaran ay manatili sa iyo habang buhay. Sa pag-ibig, kung paanong sinusuwerte sa materyal na bagay, may dagdag pang masarap na romansa. Mapalad ang 3, 9, 13, 28, 36, at 48. Mahiwaga mong mantra: “Atma-Avidya-Aroha”. Red at yellow ang buenas.
Capricorn – (December 22 – January 19)—Gawin ang lahat ng makakaya upang dumami pang lalo ang iniipong pera hanggang sa yumaman ka nan g husto. Sa pag-ibig, ngayon na ang panahon upang ipalasap sa kasuyo ang pinaka-masarap na romansang hindi nya pa nararanasan sa tanang buhay nya. Mapalad ang 5, 18, 23, 32, 41 at 49. Mahiwaga mong mantra: “Hare-Krisna-Hare Rama.” Blue at white ang buenas.
Aquarius – (January 20 – February 18)—Sa pag-ibig muling titibok ang puso, habang nakiki-umpok sa isang social gathering. Sa pinansiyal, upang hindi na uli maubusan ng pera, maging maingat na dapat sa pagasta at mas makabubuting iwasan na rin ang panay-panay na pangungutang. Mapalad ang 4, 16, 23, 31, 40, at 49. “Aum-Bhanah-Bhanah-Om.” Green at red ang buenas.
Pisces – (February 19 – March 20)—Mga ilang araw pa, kusa ng mapapa sa iyo ang malaking halaga ng salapi na noon mo pa hinihintay. Dahil sa tinamong magandang kapalaran, i-blow-out ng isang gallon ice-cream ang minamahal. Mapalad ang 7, 16, 28, 34, 41, at 49. Mahiwaga mong mantra: “Om-Amara-Om-Ananda.” Violet at silver ang buenas.