ALDEN RICHARDS
TUMAWAG ang isang member ng fan club ni Alden Richards sa Amerika sa isang kamag-anak niyang showbiz news reporter sa TV. Siyempre, nagulat ang reporter dahil sa lakas ng appeal ni Alden sa kababayan natin sa ibang bansa.
Ang hiling ng fan sa kamag-anak, tulungan daw ang Victor Magtanggol ng Pambansang Bae na lagi nilang tinututukan.
Nawindang ang showbiz news reporter sa hiling ng kamag-anak na hindi niya puwedeng mapagbigyan. Bakit? E, kasi nga taga-Channel 2 ang nasabing reporter na natawa na lang sa hiling ng kanyang kamag-anak, huh!
Anyway, para sa viewers ng VM na hindi napanood ang pilot week nito, pati na ‘yung nasa ibang bansa, at upang pagbigyan ng kahilingan nang marami, mapapanood ang Victor Magtanggol Rewind ngayong araw na ito, Linggo, 3:30-5:25 p.m. sa GMA Network.