KATHRYN BERNARDO AT DANIEL PADILLA
LUMABAS na ang teaser ng Star Cinema movie na “The Hows Of Us” nina Kathryn Bernardo at Daniel Padilla.
Mukha ngang mas mature na ang tema nito dahil bukod sa may “live in” scene at mga dialogue ng buhay may-asawa, balitang totoo na ang halikan ng KathNiel sa movie at wala nang daya.
Teaser pa lang yan pero grabe na ang kilig na hatid sa mga nakapanood. Ewan ko ba, kapag ang dalawang ito na ang nagpakilig, nakakalimutan din naming 39 na kami! Ha-hahaha! Choossss!!!
Member yata ng banda ang role ni Daniel sa movie habang doktor naman si Kath. Basta, ngayong August na ito ipalalabas at ngayon pa lang ay naaamoy na namin ang pagiging blockbuster nito lalo pa’t ang mahal naming tugang kumareng si Cathy Garcia-Molina ang nagdirek nito.