Sinabi ni Bacoor police chief Supt. Vicente Cabatingan na nagpapatuloy ang operasyon para mahanap ang 12 iba pang tumakas na preso.
Idinagdag ni Cabatingan na kaninang umaga, may mga preso nang nagpaabot ng mensahe sa kahandaan nilang sumuko sa pulisya.
Ani Cabatingan, naaresto ang mga takas sa kanilang mga bahay o sa tulong ng lokal na otoridad sa Cavite City.
“’Yung iba, inabutan natin sa bahay, hindi pa nakakaalis sa bahay nila,” sabi ni Cabatingan sa isang panayam sa DZBB.
“Yung iba naman, talaga ay sa tulong na ng kabarangay natin sa Bacoor and even sa nearby cities at municipalities dito sa Cavite City po,” ayon pa kay Cabatingan.
Kakasuhan ang 23 pumugang preso ng panibagong kaso sakaling maibalik na sa kulungan.
Sinibak na rin ang walong jail guard ng Bacoor jail matapos ang pagpuga.