Du30 itinalaga si Martires bilang bagong Ombudsman

ITINALAGA ni Pangulong Duterte si Supreme Court Associate Justice Samuel Martires bilang bagong Ombudsman matapos namang magretiro si dating Ombudsman Conchita Carpio-Morales.

“We have a new Ombudsman. I signed the appointment of Justice Martires,” sabi ni Duterte sa kanyang talumpati sa Ipil, Zamboanga Sibugay.

Nauna nang inirekomenda ng Korte Suprema si Martires bilang kapalit ni Morales.

Itinalaga si Martires sa Korte Suprema ni Duterte.

Kabilang si Martires sa mga mahistrado na bumuto sa petisyon para sa quo warranto na inihain ni Solicitor General Jose Calida na nagresulta sa pagpapatalsik kay dating chief justice Maria Lourdes Sereno.