“HINDI ako buntis!” Ito ang sigaw ni Jennylyn Mercado nang kulitin ng ilang members ng entertainment press na bumisita sa taping ng GMA series niyang The Cure.
Kung mabubuntis daw siya uli, gusto niya ay sa tamang paraan at sa tamang panahon.
“Uulitin ko ba uli ang pagkakamaling ‘yon? Ay hindi naman pagkakamali. Hindi siya pagkakamali,” diin ng Ultimate Star.
Rason niya, “Ayoko lang nu’ng ganoong paraan kasi si Jazz (anak nila ni Patrick Garcia), blessing naman kaya happy ako na dumating siya sa buhay ko.”
Nais ni Jen na kapag nasundan na si Jazz na 10 years old na ngayon ay planado na talaga at hindi biglaan.
“Ang payat ko nga kaya ‘yan ba ang buntis? Darating din ang tamang panahon para diyan,” saad pa ni Jennyln.
Siyempre hindi pa puwedeng mabuntis si Jen dahil kailangan pa niyang tapusin ang The Cure lalo na’t marami pa siyang maaaksyong eksena na gagawin sa programa, huh!