BUKOD sa mainitang battles sa The Clash, isa pang paborito ng fans sa pinakabagong singing competition ng GMA ay ang nakaka-LSS na OST nito.
Ito ay ang “Mangarap Ka, Laban Pa” na kinanta at sinulat ng singer, rapper at songwriter na si Quest. In fairness, patok na patok ito sa mga OPM lovers lalo na sa mga millennial.
Matapos itong i-upload sa official YouTube channel ng The Clash, naging instant hit agad itong sa mga Kapuso viewers. Sa ngayon ay may mahigit 12,000 views na ito. Ayon sa mga netizen hindi malayong maraming gagawa ng cover nito dahil sa ganda ng tunog at lyrics nito.
Samantala, good luck na lang sa mga natitirang clashers na maglalaban-laban para mapasama sa Top of the Clash. Kitang-kita kasi na sa unang walong clashers na nakapasok, napakahigpit na agad ng laban.
Abangan ang The Clash tuwing Sabado at Linggo ng gabi sa GMA hosted by Regine Velasquez-Alcasid with judges Ai Ai delas Alas, Christian Bautista and Lani Misalucha.