ZOREN LAGASPI
TAWA nang tawa si Zoren Legaspi sa isang eksenang ginawa niya para sa bagong daytime series ng GMA, ang Kapag Nahati Ang Puso na magsisimula na sa July 16 bago mag-Eat Bulaga.
Inamin ng mister ni Carmina Villaroel na napilitang siyang sumabak sa isang “maaksiyong eksena” sa nasabing serye nang walang suot na underwear. Ito ‘yung napapanood sa trailer kung saan lumusong sa putikan ang aktor.
“Usually, I bring four to five underwears kapag taping. Nakalimutan yatang isama ng P.A. (personal assistant) ko yung container na nandoon ang mga underwears ko.
“Kaya kung ano ang suot ko that day, yun lang ang underwear ko talaga. E, mud wrestling yung eksena. Kapag naputikan na ang suot kong brief, wala na akong masusuot for the rest of the taping.
“Kaya tinanggal ko na lang yung underwear ko at naka-shorts lang ako. Kaya going commando ako!
Nag-suggest na lang ako kay Direk Gil (Tejada) na huwag kaming kunan na nakatayo na nag-aaway sa eksena.
“Since mud wrestling iyon, nakadapa na lang kami sa putik. Doon na lang kami umiikot-ikot. Mahirap na kasi at baka may biglang may makita sila! Baka kasi biglang may mag-good morning sa mga tao!” natatawang chika ni Zoren sa nakaraang presscon ng Kapag Nahatid Ang Puso.
Makakasama niya rito sina Bea Binene, Benjamin Alves, Sunshine Cruz, Bing Loyzaga at marami pang iba.
Kuwento pa ni Zoren, maraming bagong aabangan ang manonood sa Kapag Nahati Ang Puso. Bukod sa ilang beses daw siyang pinaghubad ng kanilang direktor, may kissing scene at love scene rin daw siya with Sunshine and Bing.
Kinarir din daw ni Zoren ang pagpapapayat, “After my last teleserye with GMA na I Heart Davao, sinabi sa akin ni Ms. Lilybeth (Rasonable) na may gagawin akong bagong teleserye. Sa kakahintay ko, tumaba na ulit ako.
“E, biglang tumawag na si Ms. Lilybeth na kasama ako sa cast ng teleserye na ito. Kaya bago mag-taping, nag-program na ako ng workout ko. Nag-biking ako tapos I hit the gym twice a day. Iniba ko ang diet ko para ma-achieve ko yung look ng character ko. Ang hirap na i-maintain, pero mabilis akong nakapag-adjust sa ginagawa ko,” pahayag pa ng aktor.
“At isa pa, napasabak din ako sa medyo intimate scenes. E, first time ko to work with both Sunshine and Bing. Never ko silang nakasama sa mga movies and TV shows noon.
“Kaya nandoon yung maiilang ka pa, pero dahil kailangan believable ang mga characters ninyo, gagawin ninyo. It’s just being professional lang. Tulad ng bed scene namin ni Bing, nagtatawanan lang kami bago mag-take. Kasi nga, sa edad namin ngayon, nagagawa pa namin ang mga gano’ng eksena,” aniya pa.
Inamin din ni Zoren na hindi niya ipinaalam kay Carmina ang mga ginawa niyang intimate scenes sa KNAP.
“Hindi ko sinasabi kay Mina. Bahala na lang kung ano ang reaction niya kapag napanood niya! Si Mina rin naman, hindi niya sinasabi sa akin ang mga eksena niya sa Kambal, Karibal.
“E, napanood ko na may kissing scene sila ni Alfred Vargas. Sabi ko, ‘Teka nga, ilan ba ang kissing scenes ko with Bing and Sunshine?’ Gantihan na lang, di ba?” tumatawang kuwento ni Zoren.
In fairness, promising ang kuwento ng Kapag Nahati Ang Puso na siyang papalit sa My Guitar Princess ni Julie Anne San Jose.