JULIANA SEGOVIA
Iyak nang iyak si 2018 Miss Q & A Juliana Parizcova Segovia nang pumarada sa kanilang lugar sa Pasay bilang bahagi ng pasasalamat niya sa suporta ng kanyang mga kababayan.
Ipinalabas sa Magandang Buhay kahapon ang ginanap na grand motorcade para kay Juliana at mainit nga siyang tinanggap ng mga taga-Pasay.
“Sobrang saya! Hindi ko inakala na mangyayari sa akin ito. Habang papatagal nang papatagal ang pag-ikot namin ay paluha ako nang paluha. Nakikita ko ‘yung mga tao, kababayan ko, kabarangay ko, kaibigan na sobra-sobra ang ibinigay nilang suporta sa akin sa finals. Thank you talaga,” ani Juliana.
“Sobrang nagpapasalamat ako sa mga taga-Pasay na sumuporta at nagmamahal sa akin. Todo ang pasasalamat ko sa kanila,” dagdag pa ng komedyante.
Dumalaw din si Juliana sa kanyang alma mater sa Pasay, ang Padre Burgos Elementary School, “Naiiyak ako kasi parang naaalala ko noong elementary ako kapag may nagpupunta rin ditong artista ganu’n din ako, nakikihiyaw ako.”