Horoscope, July 09, 2018

Para sa may kaarawan ngayon: Mahirap talagang kitain ang pera, kaya sa araw na ito matapos magsimba, simpleng selebrasyon na lang ang dapat kasama ang mga mahal sa buhay. Mapalad ang 3, 6, 18, 27, 28, 43. Mahiwaga mong mantra: “Hare-Krisna-Krisna-Om.” Green at red ang buenas.
Aries – (Marso 21-April 19)—Sundin ang mungkahi ng kasuyo. Hindi dapat na maging magastos. Sa pinansyal, isa lang ang susi upang yumaman, maging masinop at matipid. Mapalad ang 3, 12, 27, 33, 39, at 49. Mahiwaga mong mantra: “Aum-Jeva-Nahatha-Om.” Pink at gold ang buenas.
Taurus – (April 20-May 20)—Magiging matagumpay ang larangan ng pag-ibig at romansa, ngunit sa salapi, nganga pa rin. Hinay-hinay muna sa pagkain ng masasarap, mainam yan, nakatipid ka na lalo ka pang seseksi at gaganda. Mapalad ang 6, 18, 22, 27, 34 at 43. Mahiwaga mong mantra: “Govinda-Keh-Balam.” Green at red ang buenas.
Gemini – (May 21-June 21)—Habang patuloy na nagpapabago-bago ang lagay ng panahon, may babala ng karamdaman. Ang pagdarasal ng taimtim mamayang gabi bago matulog ang magpapalakas ng immune system at ang pagsiping sa minamahal ay mainam ding pampalakas at pampasigla. Mapalad ang 5, 9, 18, 27, 33, 42 at 45. Mahiwaga mong mantra: “Aspera-Astra-Om.” Violet at blue ang buenas.
Cancer – (June 22- July 22)—Anoman ang problema wag mabubugnot alalahanin masarap pa ring mabuhay at damahin ang presenya ng kalikasan. Sa pinansyal, kapag lagi kang masaya, mas maraming pera ang darating. Sa pag-ibig, yayain ang kasuyo sa tahimik at malamig na silid. Mapalad ang 7, 14, 22, 38, 40 at 48. Mahiwaga mong mantra: “Om-Kedemel-Om-Hagiel.” Lilac at orange ang buenas.
Leo – (July 23 – August 22)—Kahit ano ang mangyari ugaliing magpasalamat. Ang taong laging nagte-thank you, maraming biyaya ang matatanggap. Sa pag-ibig, mamayang gabi sabihin sa kasuyo, “Salamat Love,” sabay halik sa kanyang pisngi. Mapalad ang 2, 7, 18, 24, 33 at 48. Mahiwaga mong mantra: “Agara-Agra-Om.” Maroon at violet ang buenas.
Virgo – (August 23 – September 22)— Ituloy ang binabalak na paglalakbay. Sa malayong lugar mas madaling aangat ang kabuhayan. Sa pag-ibig, mas magiging okey ang relasyon kung pansamantalang lalayo muna sa kasuyong Libra. Mapalad ang 3, 12, 30, 34, 39, at 47. Mahiwaga mong mantra: “Om-Adonai-Om-Elohim.” Green at blue ang buenas.
Libra – (September 23-October 23)—Sa pinansyal kung hindi ka aalis ng bahay, darating ang mga maniningil. Sa susunod wag ka ng mangutang kung wala ka namang pambayad. Sa pag-ibig, kung sadyang kinakapos, sa isang Aquarius ka manghiram ng pera. Mapalad ang 4, 13, 19, 28, 37 at 43. Mahiwagwa mong mantra: “Mandala-Dosya-Om.” Yellow at pink ang buenas.
Scorpio – (October 24 – November 21)—Ituloy ang pagiging romantiko at caring upang muling mag init ang relasyon. Sa pinansyal, isa-isang negosyo lang ang dapat ipatupad sa bawat taon, upang wag magulo ang iyong konsentrasyon. Mapalad ang 1, 17, 28, 33, 44 at 47. Mahiwaga mong mantra: “Aum-Nakiel-Om-Hagiel.” Purple at lilac ang buenas.
Sagittarius – (November 22 – December 21)—Ikaw ang nakatakdang suwertehin sa mga panahong ito at ang suwerteng dadapo sa iyo ay maipamamahagi mo pa sa mga taong malalapit sa buhay mo. Upang magtuloy-tuloy ang suwerte kung may matitira pa, ibahagi ito sa mga mahihirap at kapos palad. Tuloy ang masarap na romansahang hatid ng isang kayumanging nilalang. Mapalad ang 9, 18, 27, 36, 43, at 45. Mahiwaga mong mantra: “Aum-Namo-Nhame-Om.” Maroon at blue ang buenas.
Capricorn – (December 22 – January 19)—Ikaw ngayon ang hihirangin ng langit upang tumulong sa mga kaibigan mong nangangailangan. Hindi mo sila dapat tanggihan at wag kang mag-alala, dahil tutulungan ka ng nasa itaas upang magampanan mong lahat ng maayos ang mga gawaing ipinatong sa iyong balikat. Sa bandang huli, dahil bukal sa loob mo ang pagtulong, mas marami pang biyaya at mga pagpapala ang darating sa iyong buhay. Mapalad ang 1, 8, 17, 26, 35, at 44. Mahiwaga mong mantra: “Kebanam-Karam-Aum.” Beige at yellow ang buenas.
Aquarius – (January 20 – February 18)—Mas mainam kung ibabahagi sa iba ang iyong mga problema. Sabi nga, “Shared joy is a double joy; shared sorrow is half a sorrow.” Ganon ang gawin mo, anumang kalagayan ng damdamin mo sa kasalukuyan, mas mainam kung makipagkuwentuhan lagi sa mga malalapit na kaibigan. Mapalad ang 1, 8, 18, 27, 37, at 45. Mahiwaga mong mantra: “Aum-Bis-Bnevit-Om.” Red at pink ang buenas.
Pisces – (February 19 – March 20)—Kahit nagpatong-patong ang mga gawain, kaya mong matapos ang lahat ng iyan. Bilis ang susi upang yumaman. Sa pag-ibig, isa isantabi muna ang mga bagay na may kaugnayan sa emosyon, puro salapi muna ang isipin at siya ring dapat na pahalagahan. Mapalad ang 5, 14, 25, 38, 33 at 49. Mahiwaga mong mantra: “Yod-He-Vau-Weh.” Lilac at silver ang buenas.