POKWANG
KUNG may kumampi kay Pokwang, may mga nang-okray naman sa kanya matapos mag-emote tungkol sa pagtawag daw ni Australian Boomers player Chris Goulding ng “monkey” sa mga Filipino.
Ito’y matapos ngang magrambulan ang Team Australia at mga player ng Gilas Pilipinas sa Fiba World Cup qualifier game sa Philippine Arena noong July 2. Sinasabing ang naging hudyat ng gulo sa hardcourt ay ang balyahan sa pagitan ni Chris at Gilas player RR Pogoy.
Sa kanyang Instagram account, ni-repost ni Pokwang ang screenshots ng sinasabing tweet ni Chris kung saan tinawag nga nitong unggoy ang mga Pinoy.
Caption ng komedyana, “Wow!! umabot na talaga sa ganito? Kaloka! sa mga nagtatanggol sa team na ito, Oo lalo ka na pilipino ka di ba? O ayan unggoy daw tayo!!!
“Maaaring may mali both team pero yung umabot na sa ganitong pang-aalipusta ng lahi, aba hoy!! gising gising…wag maging higop pwet pa rin!”
Ilang bashers ang nang-away kay Pokwang at nagsabing nagpapakalat siya ng fake news.
Ipinaalam sa kanya ng mga netizen na fake ang viral “monkey” tweet ni Chris matapos mag-issue ng official statement ang kampo ng Boomers player.
Resbak naman ni Pokwang, “Pilipino ka ipagtanggol mo naman kahit wag na sarili mo yung pamilya mo nalang na may dugong pinoy na dumadaloy. O wag ako ha opinyon ko ito, wag kang nang aano.
“Iba ang fake news sa deleted na tweet! At wag nyo akong mautusan na i delete itong post ko dahil may bayag ako kahit nanay ako!!! #Doonkanga,” pahayag pa ng komedyana.