Pustiso hinanap sa lawa, magsasaka lunod

PATAY ang isang magsasaka nang malunod habang hinahanap ang kanyang pustiso sa lawa sa bayan ng Bayambang, Pangasinan, kahapon.

Kinilala ang biktima na si Edison Race, 44.

Ayon sa pulisya, tumalon sa 1.5- metrong lalim na lawa sa Barangay Langiran alas-6 ng gabi, ayon sa kanyang kasama na si Raul Corales.

Iniipon nina Race at Corales, ang mga nahuling isda matapos namang maglagay ng panghuli ilang oras bago ang insidente.

Kapwa nakainom ang mga biktima.

Nahulog ang pustiso ni Race sa tubig kaya nagpaiwan ito para hanapin ang nalunod sa maputik na ilalim ng lawa.

Narekober ang bangkay ng biktima makalipas ang tatlong oras.