PAHIGPIT nang pahigpit ang pagkapit ng mga manonood sa takbo ng pag-iibigan nina Cardo (Coco Martin) at Alyana (Yassi Pressman) sa FPJ’s Ang Probinsyano matapos umani ng sari-saring papuri ang episode ng serye noong Miyerkules.
Sa naturang episode, mu-ling sinariwa ng mag-asawa ang kanilang masayang nakaraan na nauwi pa sa iyakan nang balikan din nila ang alaala ng kanilang namayapang anak.
“’Yung episode ngayon sobrang relate ako. Ganyan kami ng asawa ko. Nag-aaway, pero mamaya mag-aaya uminom. Maya-maya maglalabasan na naman ng sama ng loob. Pero nandoon pa rin ‘yung love kahit anong mangyari,” tweet ni @cocoyassm_Ksa.
“Grabe ang husay nilang dalawa. Dinaig niyo pa ang mga batang love team. Mas real ‘yung sa inyo,” papuri ng Instagram user na si @luvnesgudmalin.
“Nakakaiyak ‘yung scene nina Cardo at Alyana. I feel the pain. I am still waiting for your happy ending,” sabi naman ni @babasept10.
Magkabalikan na nga kaya sina Cardo at Alyana?
Tutukan sa FPJ’s Ang Probinsyano gabi-gabi sa ABS-CBN.