KOREAN word of the day: “Omo” – Ito ang katumbas ng salitang “OMG.” Kadalasang ginagamit ang salitang “Omo” sa Korea para gawing mas dramatic ang isang sitwasyon. Ginagamit ito kung may nadiskubre na nakagugulat o nakabibigla.
q q q
Ikakasal na ngayong taon ang Korean actor na si Jo Jung Suk sa kanyang long-time girlfriend na si Gummy.
Bagamat wala pang eksaktong petsa ang gaganaping wedding, inaasahang agad itong ihahayag pati na ang iba pang detalye sakaling mag-usap na ang kani-kanilang pamilya.
Personal mismo na kinumpirma ni Jo Jung Suk ang pagpapakasal nila ni Gummy.
“We plan on marrying sometime in the fall. We have not yet held a formal meeting between our families or decided on a venue and things like that. We will love each other and live happily together married,” pahayag ni Jung Suk.
Kinumpirma rin ng agency ni Gummy na C-JeS Entertainment ang ulat.
“It is true that Jo Jung Suk and Gummy are planning to wed the latter half of this year. However, an exact date has not yet been decided and the wedding will be a private ceremony. We ask for your warm support and blessings for these two people’s future,” ayon sa official statement ng C-JeS.
Nagsi-mula ang relasyon nina Jung Suk at Gummy noong 2013, bagamat isinapubliko lang ito noong 2015.
Kabilang sa mga pinagbidahang K-Drama ni Jung Suk ang Oh My Ghost (2015), The King 2 Hearts (2012), You’re The Best, Lee Soon-shin (2013) at Don’t Dare to Dream (2016). Bumida rin siya sa mga pelikulang “The Face Reader” (2013), “My Love, My Bride” (2014) at “My Annoying Brother” (2016).
Si Gummy naman ay isang kilalang singer, siya ang umawit ng OST ng hit K-Drama na Descendants of the Sun na “You Are My Everything”.