KUNG siya ang masusunod, mas gusto ni 2015 Miss Universe Pia Wurtzbach na gumanap na kontrabida sa susunod niyang pelikula o sa isang teleserye.
“Gusto ko maging kontrabida. Para maiba naman. I think that would be a challenge, kasi people see me as Miss Universe and maybe that would be nice to let them see the other side of me, siguro drama pwede,” ayon kay Pia sa isang panayam.
Nang tanungin kung handa ba siyang manampal at masampal sakaling maging kontrabida nga siya sa isang project, ito ang tugon ng dalaga, “Ay, tingnan natin, siguro kung si Direk Cathy (Garcia Molina) ang mag-push sa akin kaya.”
Samantala, sa isa pang panayam, natanong naman ang boyfriend ni Pia na si Marlon Stockinger kung nagseselos ba siya o nate-threaten sa tuwing magpo-post ang dalaga ng sexy photos sa Instagram, “No, kasi normally I’m the one taking those photos eh (laughs). I’m not surprised there but Pia is very comfortable and confident with herself so I think any woman should be. Posting a picture sometimes, you can celebrate that. So it’s great.”
Nauna nang sinabi ni Pia na wala pa siyang planong magpakasal at marami pa siyang planong gawin sa buhay bilang single lady, pero naniniwala siyang husband material si Marlon.
For his part, wife material din daw si Pia, “I think any person would see Pia as wife material. For me, honestly, in our relationship, it’s working well.
“We’re working together. I’m very happy with her personally so I think we’re just going to focus on our careers and support each other and you know, somewhere down the road that might come along.”