WALANG kupas ang pagiging matulis ng pulitikong bida sa ating kwento ngayong araw.
Isang magandang young actress ang napabilang sa mahabang listahan ng mga babaeng nabiktima ng kanyang romantikong panliligaw.
At hindi lang basta napasagot ni Sir ang young actress kundi ito ay na-asembulan pa niya ng isang anak na isinilang sa Estados Unidos ilang linggo pa lamang ang nakalilipas.
Ayon sa ating Cricket, iyon daw ang dahilan kung bakit ilang linggong absent sa kanyang tanggapan sa city hall si Mr. Mayor.
Bumiyahe siya sa US para alalayan ang panganganak ng kanyang bagong sweetheart na kung tutuusin ay halos apo na lamang niya.
Kaya pala kamakailan ay naging isyu ang pag-aaway umano ng isa sa mga kinakasama ni mayor at ng isang aktres na ina naman ng artista na naanakan ni mayor.
Sinabi ng ating Cricket na malamang ay kumapit na sa patalim ang pamilya ng young actress makaraan ang sunud-sunod na pagsubok sa kanilang buhay.
Bukod sa bihira na ang project ng nasabing artista ay nagkaroon rin ng malubhang sakit ang kanyang ama na kalaunan ay namatay rin.
Ikinuwento pa ng aking Cricket na ang nangyari sa ating bida ay naganap rin sa buhay ng kanyang ina noong ito ay isa pa lamang na young actress noong dekada 80.
Ang artista kasing nanay ni young actress ay iginarahe rin ng isang matandang pulitiko na siya namang tunay na ama ng bida sa ating kwento.
Kaya malamang ay iyun rin ang dahilan kaya hindi na tumutol ang nasabing ina sa pakiki-pagrelasyon ng kanyang anak sa matandang mayor mula sa isang kilalang lungsod.
Ang mayor na sinasabing bagong ama sa kabila ng kanyang pang lolong edad ay si Mayor J…as in Joy.
Ang magandang actress naman na kanyang naanakan na ngayon ay nananatili pa rin sa U.S ay si Miss A..as in Always.