DINGDONG DANTES AT ZIA
HAPPY Father’s Day sa lahat ng mga tatay sa buong universe, lalo na sa mga ama na ginagawa ang lahat at handang magsakripisyo para sa kanilang pamilya.
Bilang bahagi ng selebrasyon ng mahalagang araw na ito para sa mga tatay, tinanong namin ang ilang paborito n’yong celebrity daddy kung ano ang pinaka-challenging na bahagi ng pagiging ama.
Para kay Kapuso Primetime King Dingdong Dantes, ang biggest challenge sa kanya ay kung paano mababalanse ang mga bagay-bagay sa paligid ni Zia habang lumalaki ang bagets.
Gusto raw kasi niya na maipaintindi sa bata habang maaga ang kahalagahan ng balanced life para malaman nito kung kailan ang tamang oras sa mga importanteng bagay sa buhay.
“Yun nga ‘yung mahalaga eh, ‘yung balanse. Kasi parang madali namang magpaka-cool dad. Pero minsan may mga mako-compromise ka na mga values tsaka mga rules ba na essential sa kanyang paglaki,” ani Dong.
Dagdag pa niya, “It’s really finding that balance kung kailan ang laro, kung kailan ang panahon para matuto at kailan ‘yung mag-enjoy.”
DREW ARELLANO AT PRIMO
Drew: Nagiging madali ang pagiging tatay dahil sa mga nanay!
Samantala, para naman sa Kapuso TV host na si Drew Arellano mas nagiging madali ang pagiging tatay niya kay Primo dahil na rin sa tulong ng kanyang misis na si Iya Villania.
“Sinusubukan kong maging kasing galing ng tatay ko kasi para sa akin siya ang talaga ang best father. At nakita ko yun at na-experience habang lumalaki ako. There are so many challenges sa pagiging tatay.
“But I think that those obstacles and challenges become easier because the mother is there. So for me it’s not only about fathers kundi para na rin sa mga nanay na umaalalay sa aming mga tatay,” pahayag pa ng host ng Biyahe Ni Drew sa GMA News TV at Home Foodie #Madalicious sa GMA after Unang Hirit.