Manay Ichu Maceda may hugot sa kabataang artista at mga producer

June 12,2018
share this

Manay Ichu Maceda may hugot sa kabataang artista at mga producer

June 12,2018
share this

NAGING emosyonal ang ginanap na tribute at pagbibigay ng parangal ng Film Development Council of the Philippines (FDCP) kay Maria Azucena Vera-Perez Maceda o mas kilala sa entertainment industry bilang Marichu Maceda o Manay Ichu.

Ito’y bahagi pa rin ng “A Spotlight on Mothers of Philippine Cinema” na isa sa mga proyekto ng FDCP para sa selebrasyon ng ika-100 taon ng pelikulang Pilipino na ginanap sa nitong nakaraang Sabado sa Cinematheque Centre Manila.

Personal na tinanggap ni Manay Ichu ang nasabing parangal kung saan dumalo rin ang kanyang pamilya at ilang malalapit na kaibigan sa movie industry. Lumaki sa mundo ng industriya si Manay Ichu na nagmula sa pamilya na nagmamay-ari noon ng Sampaguita Pictures, which one of the biggest film productions in the Philippines from the ‘30s to the ‘70s.

Naging producer din noon si Manay Ichu, kabilang sa mga pelikula niya ay ang highly-acclaimed films na “Dyesebel” at “Batch 81.” At sa mga hindi pa nakakaalam, siya ang founder ng Movie Workers Welfare Foundation (MOWELFUND), Metro Manila Film Festival (MMFF), Film Academy of the Philippines (FAP) at ng Philippine Motion Pictures Producers Association, the Experimental Cinema of the Philippines and the Film Development Council of the Philippines (FDCP) kung saan siya ang naging chairperson ng International Film Festival Committee (IFFCOM).

“Truly, Manay Ichu is an exceptional force in the film industry. She has helped found the current pillars of Philippine Cinema has has made steadfast strides for its further development. We are more than honored to recognize her for her life’s work,” ayon kay FDCP Chairperson Liza Diño sa kanyang speech.

Ayon kay Manay Ichu, hangga’t nabubuhay siya ay patuloy siyang tutulong para sa mas lalo pang pag-angat ng industriya ng pelikulang Pilipino.

“Remember that aside from being an art form, this is basically a business, so you have to at least break even so you can recover your investment and produce the second film.

“Para que pa kayo magpoproduce ng bagong pelikula (kung) kayo lang ang nakakaintindi, wala namang manonood? Hindi na kayo makakagawa ng pangalawang pelikula, tandaan n’yo yan. Never make a film solely to satisfy yourself. Make your film for a wide audience,” aniya pa.

Payo pa niya sa lahat ng mga taga-industriya, “Love your craft and love the industry. Don’t expect anything back aside from your investment of course. Huwag mong asahang ibalik kaagad sa’yo ang ipinakita mong pagmamahal sapagkat balang araw babalik yan sa inyo tulad ng tinatamasa ko ngayon.”

Nagsilbi ring reunion ng ilang veteran stars ang nasabing event. Ilan sa mga personal na bumati kay Manay Ichu para sa tinanggap niyang award ay sina Gina Alajar, Nova Villa, Gloria Romero, JoAnn Bañaga ng TV5 at ang Regal Films matriarch na si Mother Lily Monteverde.

Nagbigay rin ng mensahe ang kanyang mga anak na sina Atty. Ernest Maceda at Erwin Maceda. May video message rin si Vilma Santos para sa kanyang nanay-nanayan sa showbiz.

Samantala, sa panayam ng ilang members ng entertainment media kay Manay Ichu, naglabas ito ng sama ng loob sa ilang young stars dahil sa kawalan ng respeto at paggalang ng mga ito sa mga veteran stars. Bukod pa rito ang pagiging unprofessional daw ng ilang batang artista ngayon.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending