PNoy inaming iniisip niyang gagawin din sa kanya ang nangyari kay de Lima
INAMIN ni dating pangulong Benigno Aquino III na naiisip niya na maaari ring mangyari sa kanya ang kinahinatnan ni Sen. Leila de Lima.
“Hindi natin maiwasang mag-isip ng ganun,” sabi ni Aquino, nang tanungin kung pumasok sa kanyang isip na posible rin siyang ipakulong kagaya ni de Lima.
Dumalo si Aquino sa preliminary investigation ng Department of Justice (DOJ) kaugnay ng kontrobersiyal na Dengvaxia vaccination program ng nakaraang administrasyon.
Nahaharap si Aquino, kasama sina dating Health secretary Janette Garin, dating Budget Secretary Florencio Abad at maramig iba pa sa iba’t ibang kaso kaugnay ng anti-dengue vaccination program ng Department of Health (DOH).
“The only (thing) we have is the truth and with the help of God, we will overcome these challenges,” dagdag ni Aquino.
Nais din ng Presidential Anti-Corruption Commission (PACC), na itinatag ni Pangulong Duterte, na mapanagot sina Aquino at Abad matapos aprubahan ang Disbursement Acceleration Program.
Sinabi ni dating Manila Councilor Greco Belgica, isang opisyal ng PACC na umabot P6 bilyon ng P144 bilyong pondo ng DAP ang napunta sa kuwestinaleng mga proyekto.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.