ALDEN RICHARDS AT EX-BATTALION
AYAW ring pakabog ng fans ni Alden Richards pagdating sa buhos ng suporta sa kanilang idolo.
Nang lumabas ang lyric video ng coming series ng Pambansang Bae na Victor Magtanggol, gumawa ang fans niya ng hashtag na #VictorMagtanggolFullTrailer dahil nabitin sila sa video clips na kasama ng lyric video.
Nagsanib-puwersa naman ang fans ni Alden kaya umabot ito sa top spot ng trending topics sa Twitter Philippines, huh! Naging positibo naman ang pagtanggap ng netizens sa lyric video ng theme song na kinanta ng Ex-Battalion featuring Alden.
“Sobrang nakaka proud to see Alden’s growth as an actor, host, singer, dancer. May pa rapper pa ngayon si Papi. He never stops learning new things and crossing boundaries #VictorMagtanggolFullTrailer,” ang post ni @pscd87.
“Alden nailing the rap part of his OST. Is there anything you can’t do?” ang sabi naman ni @FaulkersonANN.