Horoscope, May 31, 2018

Para sa may kaarawan ngayon: Hindi ka lulubugan ng araw ng wala kang magandang kapalaran. Sa panahong ito lagi kang bibigyan ng suwerte ng langit, ngunit ang mahalaga lamang lagi kang magdarasal. Ang panalangin ang magiging susi ng iyong tagumpay at wagas na kaligayahan. Mapalad ang 1, 10, 19, 28, 40 at 46. Mahiwaga mong mantra: “Ananda-Marga-Om.” Blue at yellow ang buenas.
Aries – (Marso 21-April 19)—Init ang pangunahin mong elemento. Sa produktong ginagamitan ng apoy at kuryente ikaw ay aasenso. Sa pag-ibig, painiting lagi ang pagmamahalan, upang magtuloy-tuloy ang masayang relasyon. Mapalad ang 6, 15, 22, 26, 35 at 45. Mahiwaga mong mantra: “Aum-Nameh-Dosya-Om.” Red at orange ang buenas.
Taurus – (April 20-May 20)—Ang pagpasok ng panahon ng tag-ulan ay magdudulot ng magandang kapalaran sa pag-ibig at materyal na bagay, basta’t lagi ka lang maglalabas ng bahay lalo na sa unang oras sa umaga. Mapalad ang 5, 17, 24, 34, 40 at 48. Mahiwaga mong mantra: “Rama-Krisna-Rama.” Lilac at pink ang buenas.
Gemini – (May 21-June 21)—Wag agad maniwala sa mga sabi-sabi. Sa sariling diskarte uunlad at yayaman ka. Sa pag-ibig, habang nakasuot ng silver o kaya’y white magingibabaw ang iyong kagandahan. Mapalad ang 5, 12, 21, 36, 40 at 48. Mahiwaga mong mantra: “Aum-Mimo-Agara-Om.” Bukod sa violet, ang silver ay buenas.
Cancer – (June 22- July 22)—Walang kuwenta ang buhay kung laging umaasa sa iba. Umpisahan mo ng magsikap ngayon. Sa pag-ibig, ang sarili mong pagpapasya ang makalulutas ng problema na may kaugnayan sa relasyon. Mapalad ang 7, 11, 23, 29, 39, at 43. Mahiwaga mong mantra: “Yod-He-Vah-Weh.” Green at yellow ang buenas.
Leo – (July 23 – August 22)—Laging buksan sa unang oras ng umaga ang bintana na nasa silangan, upang mas madaling pumasok ang grasya. Sa pag-ibig at pinansyal, kapag laging bukas ang bintana sa silangan masayang relasyon at maraming salapi ang kusang darating. Mapalad ang 4, 15, 22, 32, 37 at 40. Mahiwaga mong mantra: “Aum-Mandala-Gayatri-Om.” Orange at maroon ang buenas.
Virgo – (August 23 – September 22)—Magsuot ng silver na singsing upang gumanda ang kapalaran. Habang nakasuot ng silver lalong sasagana ang buhay. Sa pag-ibig, ang silver engagement ring ang magdudulot ng isang masaya at pang habang buhay na relasyon. Mapalad ang 2, 11, 19, 32, 39, at 49. Mahiwaga mong mantra: “Aum-Padme-Om.” Magenta at white ang buenas.
Libra – (September 23-October 23)—Hindi dapat tiisin ang mga magulang at kapatid, habang tumutulong sa pamilya, tuloy ang dating ng mas maraming grasya. Sa pag-ibig, ituloy ang masayang pakikipag-relasyon sa isang Aquarius. Mapalad ang 7, 16, 21, 39, 40 at 48. Mahiwaga mong mantra: “Aum-Tetra-Malka-Om.” Purple at beige ang buenas.
Scorpio – (October 24 – November 21)—Panatiliin ang kapayapaan ng kalooban! Habang umiiwas sa away at di pagkakasundo, lalong gaganda ang kapalaran. Sa pag-ibig kapag laging payapa ang isipan kusang sasarap ang pagmamahalan. Mapalad ng 8, 11, 16, 24, 34, at 48, Mahiwaga mong mantra: “Aum-Nakiel-Om-Kedemel.” Red at green ang buenas.
Sagittarius – (November 22 – December 21)—Tuloy-tuloy na gaganda ang iyong kapalaran, kaya milya-milya mong maiiwanan ang mga toang naiingit at umiintriga sa iyo. Sa pag-ibig, habang dinodominahan ang kasuyo, lalo namang sasarap at lalawig ang relasyon. Mapalad ang 7, 18, 25, 37, 40 at 49. Mahiwaga mong mantra: “Aum-Yamuna-Yasoda-Om.” Blue at maroon ang buenas.
Capricorn – (December 22 – January 19)—Tama ang pormula ng pagyaman na noon mo pa naiisip – agahan ang gising sa umaga upang mas maraming grasya ang makamit. Tularan mo ang mga ibon, bukang liwayway pa lang nagliliparan na. Mapalad ang 2, 11, 20, 29, 35, at 49. Mahiwaga mong mantra: “Aum-Speculum-Homine-Om.” Green at white ang buenas.
Aquarius – (January 20 – February 18)—Ito ang araw na lilisan na ang mga suliranin upang palitan ng suwerte at magandang kapalaran, basta ang mahala magtiwala ka sa sarili mong kakayahan. Sa pag-ibig, wag kang hanap ng hanap ng kaligayahan, kusang darating iyan sa hindi mo inaasahang sandali at pagkakataon. Mapalad ang 6, 15, 23, 32, 41, at 45. Mahiwaga mong mantra: Aum-Padme-Purana-Om.” Gray at red ang buenas.
Pisces – (February 19 – March 20)— Wag pag-alinlanganan ang sariling kakayahan. Sugod ng sugod hanggang sa yumaman. May kakaiba kang kakayahan upang paligayahin ang kasuyo, basta’t mag-isip ka lang ng mga bago at kakaibang inobasyon sa pakikipag-romansa. Mapalad ang 8, 16, 22, 34, 36 at 49. Mahiwaga mong mantra: “Aum-Minna-Galla-Om.” Red at beige ang buenas.