PIOLO PASCUAL AT SARAH GERONIMO
HALOS maiyak si Sarah Geronimo sa pagbabalik niya sa ASAP stage last Sunday mula sa kanyang successful 15th anniversary US concert tour.
After ng kanyang bonggang production number, nagpasalamat si Sarah sa kanyang Popsters at sa loyal viewers ng ASAP.
“Na-miss ko ring mag-ASAP. Maraming salamat at nandito ako ulit. Sa lahat po ng nanood na mga Kapamilya natin sa US ng concert ko po, thank you po. Sa lahat ng producers, thank you very much. Popsters, thank you,” sey ng Pop Royalty.
Nagbigay din ng kanilang madamdaming mensahe ang tatlo sa mga ASAP male host na malapit sa kanya, sina Luis Manzano, Robi Domingo at Piolo Pascual.
“No matter what achievement, I will always be proud of you. Alam mo iyan. Yung friendship namin goes past all the cameras that you see,” ani Luis.
Sabi naman ni Robi, “Ako naman, whatever happens, I take inspiration from you. I learn a lot from you. Grabe ka, ‘yung talent at puso mo. Popster talaga ako pero dito sa ASAP, kapamilya kami.”
Huli namang nagbigay ng kanyang message ang leading man niya sa pelikulang “The Breakup Playlist” na si Piolo (na sinundan ng palakpakan mula sa audience), “I only got one thing to say. A lot of stars have come and gone and still a lot of them will come and go, but your star will always remain. We just want you to know that we love you from the bottom of our hearts.”