Mag-ama sinakmal ng buwaya

SUGATAN ang mag-ama nang atakihin ng 15-talampakang buwaya kahapon sa Balabac, Palawan, ayon sa pulisya.

Kwento ni Karik Asli Buara, 15, inihahanda niya ang kanilang bangka malapit sa kanilang bahay sa baybayin ng dagat sa Sitio Dumaga, Brgy. Salang nang bigla siyang sinakmal ng buwaya at kaladkarin palayo.

Narinig ng ina ang kanyang sigaw kaya ginising nito ama niyang si Rosmin na sumugod sa pampang.

Sumisid ang ama at sinaksak ang buwaya sa mata.

Bago lumangoy palayo ang buwaya ay nakahgat din nito ang matandang Buara.

Dinala sa rural health unit ang mag-ama para mabigyan ng lunas.