ILAN pang mga opisyal ang sinuspinde ni Pangulong Duterte dahil sa pagkakasangkot diumano sa korupsyon.
Sa isang ambush interview sa Malacanang, sinabi ni Duterte bukod sa dalawang assistant secretary na nauna nang pinagbitiw, pinatawan na rin ng suspensyon ang ilan pang opisyal dahil sa katiwalian.
Idinagdag ni Duterte na nakatalaga ang mga opisyal sa Department of Justice (DOJ), Bureau of Customs (BOC) at Ninoy Aquino International Airport (NAIA).
Kabilang sa mga opisyal na nauna nang pinagbitiw ni Duterte ay sina Justice Assistant Secretary Moslemen Macarambon, Sr. at Public Works and Highways Assistant Secretary Tingagun A. Umpa.
Idinagdag ni Duterte na iiendorso sa Office of the Ombudsman ang mga sinuspindeng opisyal para ito na ang magsagawa ng imbestigasyon.