P107.6M jackpot ng Grand lotto hindi nakuha

By: Leifbilly Begas - 7 years ago

WALANG nanalo sa P107.6 milyong jackpot prize ng Grand Lotto 6/55 na binola Miyerkules ng gabi.

Ayon sa Philippine Charity Sweepstakes Office walang tumaya sa winning number combination na 31-42-23-34-27-30.

Nanalo naman ng tig-P113,920 ang siyam na mananaya na nakakuha ng limang lumabas na numero.

Tig-P1,480 naman ang 552 mananaya na nakakuha ng apat na numero at balik ang P20 taya ng 12,167 mananaya na nakatatlong numero.

Ang Grand Lotto ay binobola tuwing Lunes, Miyerkules at Sabado.

Huling tinamaan ang jackpot ng Grand Lotto noong Pebrero 19. Isang mananaya ang nanalo ng P64.2 milyon.

Kung tatamaan ang jackpot babalik ito sa minimum na P29.7 milyon.