Sereno balik-trabaho sa Korte Suprema

BALIK-trabaho si Chief Justice Maria Lourdes Sereno sa Korte Suprema sa unang pagkakataon matapos namang mag-indefinite leave noong Marso.

Nagpunta kahapon si Sereno sa Kataastaasang Hukuman para gampanan ang kanyang trabaho bilang Chief Justice.

Ayon sa source, ipinaalam ni Sereno kay Senior Associate Justice Antonio Carpio, na siyang tumatayong acting Chief Justice, ang kanyang pagbabalik.

Bumalik si Sereno dalawang araw bago magsagawa ang Korte Suprema ng special en banc session para talakayin ang quo warranto petition na inihain ni  Solicitor General Jose Calida.