MAAYOS na ang kundisyon ni Gary Valenciano matapos sumailalim sa open heart surgery last Sunday. Sa kanyang Instagram account, idinaan ni Mr. Pure Energy ang pasasalamat sa lahat ng nagdasal para sa kanya.
Isang thank you video ang kanyang ginawa habang nasa kanyang hospital room at in-upload sa IG na may caption na: “Still some way to go til I get back to tip top shape. To all who have prayed for me I thank you from the bottom of this new heart of mine.”
Siniguro rin niya ang kanyang pagbabalik sa kanyang mga show tulad ng ASAP, Your Face Sounds Familiar at Tawag ng Tanghalan.
“Paminsan-minsan, siguro mag-a-absent pa rin ako just to make sure that I’m in good shape. But the doctors are very satisfied with all how it turned out. My heart is actually in very good condition; doon lang sa isang part na medyo delikado talaga.
“But I’m here, I’m okay, I love you all and I’m thankful that God has given me so many people that have shared their love with me and I will see you soon,” ayon pa kay Gary.