NAGWAGI sina Bae Suzy at Jung Hae In sa Star Century Popularity Awards sa katatapos na 54th Baeksang Arts Awards.
Nagkasama sina Suzy at Hae In sa Korean drama na While You Were Sleeping. Si Suzy at Lee Jong Suk ang mga bida naturang K-Drama pero dito rin sumikat si Hae In matapos namang mapansin ng husto bilang second lead actor.
Nanalo sina Suzy at Hae In base na rin sa botohan mula sa mga fans.
Sa ngayon, top rating naman ang Korean drama ni Hae In na Something in the Rain o kilala rin sa pamagat na Pretty Noona Who Buys Me Food.
“I will do my utmost to make sure that I continue to work even harder as an actor, pouring all of my sincerity into every moment. I will become a person who knows how to be grateful,” sabi ni Hae In sa kanyang speech.
Dahil sa kanyang kasikatan ngayon, nakatakdang dumalaw sa bansa si Hae In sa Hunyo 30, kung saan magkakaroon siya ng fan meeting sa Kia Theatre sa Cubao, Quezon City.
Nagsilbi namang hosts sa Baeksang Awards sina Suzy, Park Bo Gum at Shin Dong Yup.
Kabilang naman sa mga nanalo sa nakaraang Baeksang Awards ang Stranger o Secret Forest na nag-uwi ng Grand Prize; at Mother bilang Best Drama.