NABUKING ang mga nambubulabog na Popsters ni Sarah Geronimo na walang pruweba ang paninira nila kina Angeline Quinto at Morissette Amon.
Lumantad na ang katotohanan na walang pinag-ugatan ang kanilang galit sa dalawang singers dahil nagsalita na si Amy Perez na sinasabing pinagseserbisyuhan ng source na sinasabi nila.
Walang source. Walang naganap na pagtatawa nina Angeline at Morissette, walang katotohanan ang bintang at panghuhusga ng mga Popsters sa mga nananahimik na singers, gawa-gawa lang ng grupo ang senaryo.
Nakakahiya ang ginawa ng mga Popsters (hindi naman lahat, iba lang, ‘yung mga mapaghanap ng gulo) na nambulabog kina Angeline at Morisette, hindi man lang nila naisip na ang mga ginagawa nila ay may direktang epekto sa kanilang idolo.
Damay si Sarah sa kanilang ginawa, pati ang pangalan ng kanilang hinahangaan ay kaladkad sa mga binitiwan nilang pamimintas at masasakit na salita laban sa dalawang singers, lalo na kay Angeline na pati ang ina ay binarubal ng mga hindi nag-iisip na Popsters.